آخر تحديث: 13 أكتوبر 2026
1جرّب قبل ما تدفع
كل حساب جديد ليه تجربة مجانية كاملة على كل المحتوى قبل أي دفع، علشان تتأكد إن المنصة مناسبة ليك قبل ما تشترك.
2القاعدة العامة
الاشتراك خدمة رقمية بتتفعّل وبتديك وصول كامل للمحتوى، علشان كده المبالغ المدفوعة مش بتترد بعد التفعيل — ما عدا الحالتين اللي تحت.
3الحالات اللي بنرجّع فيها فلوس
- دفعت مرتين بالغلط لنفس الاشتراك: كلّمنا على الواتساب، وبعد ما نتأكد من التحويلين بنرجّع المبلغ المكرر كامل.
- حوّلت مبلغ أكبر من سعر الباقة: بعد ما نتأكد بنرجّع الفرق.
4مشاكل بتتحل من غير استرجاع
- دفعت والاشتراك ماتفعّلش: عادةً التفعيل بيتم خلال ساعات، ولو عدّى 24 ساعة كلّمنا على الواتساب برقم العملية وهنفعّله على طول — اشتراكك محفوظ ومش هيضيع.
- عطل في المنصة: بنصلّحه في أسرع وقت، والأعطال مش بيترتب عليها استرجاع.
5حالات مالهاش استرجاع
- تغيير رأيك بعد التفعيل أو إنك ماستخدمتش الاشتراك.
- الاشتراكات اللي اتفعّلت بكود مجاني أو كهدية.
- الحساب اللي اتوقف بسبب مخالفة شروط الاستخدام (زي مشاركة الحساب أو نشر المحتوى).
6إزاي تطلب الاسترجاع
- كلّمنا على الواتساب (أو الإيميل) خلال 3 أيام بس من الدفع — بعدها مفيش استرجاع.
- ابعت: رقم حسابك (موجود في صفحة «حسابي»)، الباقة، رقم العملية، وصورة الإيصال — وفي الدفع المكرر صورة التحويلين.
- بعد ما نتأكد، المبلغ بيرجع على نفس المحفظة أو الحساب اللي حوّلت منه. رسوم التحويل (لو فيه) ممكن تتخصم حسب الوسيلة.